Informative message
Informazzjoni importanti dwar każijiet li jinvolvu utenti mir-Renju Unit
Fid-29 ta’ Marzu 2019, ir-Renju Unit se joħroġ mill-Unjoni Ewropea. F’każ li ma jintlaħaq ebda ftehim dwar il-ħruġ sa dik id-data (l-hekk imsejjaħ “Brexit ta’ ebda ftehim”), il-ħruġ tar-Renju Unit se jkollu l-impatt li ġej fuq l-użu tal-pjattaforma Ewropea tal-ODR:
Wara d-29 ta’ Marzu 2019
-
Il-konsumaturi li huma residenti tar-Renju Unit mhux se jkunu jistgħu jissottomettu aktar ilmenti ġodda fil-pjattaforma tal-ODR. Lanqas m’huma se jkunu jistgħu jaġixxu fuq kwalunkwe każ li jkun għaddej fil-pjattaforma, lanqas jibagħtuh lil korp tas-soluzzjoni għat-tilwim, jikkuntattjaw konsulent tal-ODR mir-Renju Unit, jew jirċievu eżitu.
-
Il-konsumaturi li huma residenti tal-UE jew tan-Norveġja, l-Iżlanda jew il-Liechtenstein mhux se jkunu jistgħu jużaw aktar il-pjattaforma tal-ODR biex jagħmlu ilment kontra negozjant tar-Renju Unit jew jibagħtu l-każ tagħhom lil korp tas-soluzzjoni għat-tilwim fir-Renju Unit.
-
In-negozjanti stabbiliti fir-Renju Unit mhux se jkunu jistgħu jaċċessaw aktar id-dashboard tagħhom tal-ODR.
-
In-negozjanti stabbiliti fl-UE, in-Norveġja, l-Iżlanda jew il-Liechtenstein mhux se jkunu jistgħu jaġixxu fuq kwalunkwe każ li jkun għaddej li jikkonċerna konsumaturi mir-Renju Unit fil-pjattaforma jew jissuġġerixxu korp tas-soluzzjoni għat-tilwim fir-Renju Unit.
-
L-utenti kollhajistgħu jesportaw kwalunkwe data rilevanti ta’ ilment li jikkonċerna konsumaturi jew negozjanti fir-Renju Unit mid-dashboard tagħhom qabel id-29 ta’ Marzu 2019.
-
L-utenti kollha mhux se jkunu jistgħu jikkuntattjaw il-konsulent tal-ODR tar-Renju Unit. Jekk jogħġbok ikkuntattjahom qabel id-29 ta’ Marzu 2019.
Għal aktar informazzjoni, jekk jogħġbok ikkuntattja lill-konsulent tal-ODR nazzjonali tiegħek.