Rikonoxximent tal-kwalifiki
Ir-rikonoxximent reċiproku tal-kwalifiki professjonali huwa l-proċess li bih il-pajjiżi jew ir-reġjuni li jippermettu lill-professjonisti li jkunu kisbu l-kwalifiki tagħhom f’ġuriżdizzjoni waħda jiġu rikonoxxuti u jitħallew jipprattikaw f’ġuriżdizzjoni oħra. Dan il-proċess jappoġġa l-mobbiltà tal-professjonisti u jikkomplementa l-impenji li l-UE u s-sħab tagħha jieħdu fi ftehimiet ta’ kummerċ ħieles biex jiffaċilitaw il-moviment temporanju tal-professjonisti. Il-Ftehim Ġenerali dwar il-Kummerċ fis-Servizzi fid-WTO jirrikonoxxi d-dritt tal-membri li jirrikonoxxu l-kwalifiki, il-liċenzji jew iċ-ċertifikazzjonijiet ta’ partijiet oħra.
Il-ftehimiet ta’ rikonoxximent reċiproku (MRAs) għall-kwalifiki professjonali huma ftehimiet formali li jippermettu lill-UE u lis-sħab tagħha jirrikonoxxu wħud mill-kredenzjali professjonali ta’ xulxin. L-FTAs tal-UE stabbilixxew qafas ġenerali li jippermetti n-negozjar ta’ MRAs ma’ pajjiżi terzi. S'issa, l-UE kkonkludiet MRA għall-periti mal-Kanada. L-MRAs jistabbilixxu l-qafas u l-kundizzjonijiet speċifiċi li taħthom jiġu rikonoxxuti l-kwalifiki professjonali, bħar-rekwiżiti għal ċertu livell ta’ edukazzjoni jew esperjenza professjonali.
