IL-PROTEZZJONI TAD-DATA PERSONALI TIEGĦEK
Din id-dikjarazzjoni ta’ privatezza tipprovdi informazzjoni dwar
l-ipproċessar u l-protezzjoni tad-data personali tiegħek meta tuża
EUSurvey biex toħloq u timmaniġġja stħarriġ.
Verżjoni 1.0, 2020/06/10
Attività ta’ pproċessar:
EUSurvey
Il-Kontrollur tad-Data:
Il-Kummissjoni Ewropea (jew “Il-Kummissjoni”)
Referenza tar-reġistru:
DPR-EC-01488
Introduzzjoni
Il-Kummissjoni Ewropea (minn hawn ’il quddiem “il-Kummissjoni”) hija
impenjata li tipproteġi d-data personali tiegħek u li tirrispetta
l-privatezza tiegħek. Il-Kummissjoni tiġbor u tkompli tipproċessa d- data personali skont ir-
Regolament (UE) 2018/1725
tal-Parlament Ewropew u tal-Kunsill tat-23 ta’ Ottubru 2018 dwar
il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji
tal-Unjoni u dwar il-moviment liberu ta’ tali data (li jħassar
ir-Regolament (KE) Nru 45/2001).
Din l-istqarrija ta’ privatezza tispjega għaliex nipproċessaw id-data personali tiegħek, il-mod kif niġbru u nittrattaw id- data personali kollha li tingħata, kif ukoll kif niżguraw
il-protezzjoni tagħha, kif dik l-informazzjoni tintuża, u liema drittijiet
għandek b’rabta mad-data personali tiegħek. Tispeċifika wkoll
id-dettalji ta’ kuntatt tal-Kontrollur tad-Data responsabbli li
tista’ teżerċita d-drittijiet tiegħek miegħu, tal-Uffiċjal tal-Protezzjoni
tad-Data u tal-Kontrollur Ewropew għall-Protezzjoni tad- Data.
L-informazzjoni relatata mal-operazzjonijiet tal-ipproċessar permezz
tal-applikazzjoni EUSurvey li twettaq il-Kummissjoni hija ppreżentata hawn
taħt jiġifieri din id-dikjarazzjoni ta’ privatezza tispjega kif id- data personali tiegħek tiġi ttrattata meta tirreġistra bħala utent
ta’ EUSurvey u tuża s-servizz biex toħloq stħarriġ. Din ma tkoprix
l-aspetti tal-protezzjoni tad-data marbuta mal-istħarriġ li
toħloq, jiġifieri, meta toħloq stħarriġ, jeħtieġ li tinkludi stqarrija ta’
privatezza speċifika fl-istħarriġ innifsu jekk l-istħarriġ tiegħek jiġbor u
jipproċessa d-data personali.
L-għan tal-attività tal-operazzjonijiet tal-ipproċessar: Il-Kummissjoni,
permezz ta’ EUSurvey, tiġbor u tuża l-informazzjoni personali tiegħek biex
tkun tista’, bħala utent, tikkonnettja mal-applikazzjoni EUSurvey u tuża
s-servizz biex toħloq u tippubblika kwestjonarji online. Id-dettalji ta’
kuntatt tiegħek (l-indirizz tal-posta elettronika, l-isem u l-kunjom)
jistgħu jintużaw ukoll biex tiġi kkuntattjat għall-finijiet ta’ appoġġ u
ta’ ġestjoni tal-kwalità.
Id-data personali tiegħek mhijiex se tintuża biex jittieħdu
deċiżjonijiet b’mod awtomatizzat, inkluż it-tfassil ta’ profili.
Jekk jogħġbok innota li l-Kummissjoni mhix responsabbli għall-politiki jew
prattiki ta’ privatezza mwettqa minn persuni jew organizzazzjonijiet li
jużaw l-applikazzjoni u s-servizz ta’ EUSurvey biex joħolqu u jippubblikaw
stħarriġ. Id-data personali kollha miġbura fi ħdan tali stħarriġ
se tiġi pproċessata taħt ir-responsabbiltà tas-sid tal-istħarriġ jew
l-organizzazzjoni tas-sid tal-istħarriġ.
L-individwi u l-organizzazzjonijiet li jużaw EUSurvey biex jorganizzaw
stħarriġ għandhom l-obbligu legali li joħolqu u jippubblikaw
id-dikjarazzjoni ta’ privatezza tagħhom meta jiġbru data
personali.
Nipproċessaw id-data personali tiegħek, għaliex:
“is-suġġett tad-data jkun ta l-kunsens għall-ipproċessar ta' data
personali tiegħu għal fini speċifiku wieħed jew aktar.”
Trid tkun tajt jew se tati l-kunsens imsemmi hawn fuq billi taċċetta
d-dikjarazzjoni ta’ privatezza preżenti. L-aċċettazzjoni ta’ din
id-dikjarazzjoni ta’ privatezza tkun meħtieġa qabel ma tiddaħħal
l-applikazzjoni u jintuża s-servizz.
Tista’ teżerċita d-dritt tiegħek li tirtira l-kunsens tiegħek billi
tikkuntattja lill-Kontrollur tad-Data permezz tal-
formola ta’ kuntatt
.
Sabiex tipprovdi s-servizzi ta’ EUSurvey, permezz tal-operazzjonijiet ta’
pproċessar, il-Kummissjoni tiġbor il-kategoriji tad-data personali
li ġejjin:
Biex jiġi identifikat mis-sistema, l-utent jeħtieġ login/password, li hija
ġestita mis-servizz tal-EU Login
[1]
. Għal aktar informazzjoni dwar kif l-EULogin qed jipproċessa d- data personali tiegħek, jekk jogħġbok irreferi għad-
dikjarazzjoni ta’ privatezza tal-EULogin
.
Xi data personali hija aċċessibbli mill-applikazzjoni EUSurvey
taħt it-tab ‘Settings’:
• Isem sħiħ (isem u kunjom)
• Indirizz elettroniku
L-isem sħiħ u l-indirizz tal-email huma data miġbura bi proċess
awtomatiku minn EULogin u l-Bażi tad-Data Ċentrali tal-Utenti
tal-Kummissjoni Ewropea, li hija maħżuna fiċ-Ċentru tad-Data
tal-Kummissjoni Ewropea. Iċ-Ċentru tad-Data tal-Kummissjoni
Ewropea huwa marbut li jikkonforma mar-Regolament (UE) 2018/1725 u ma’
kwalunkwe deċiżjoni tal-Kummissjoni dwar is-sigurtà u dispożizzjoni
stabbilita mid-Direttorat Ġenerali għas-Sigurtà u r-Riżorsi Umani għal dan
it-tip ta’ servers u servizzi.
Europa Analytics
hu s-servizz korporattiv li jissorvelja u jevalwa l-effettività u
l-effiċjenza tas-siti web tal-Kummissjoni Ewropea fuq Europa. Europa
Analytics hu bbażat fuq il-pjattaforma analitika b’sors miftuħ “Matomo” u
hu nstallat fuq webserver. Kemm l-infrastruttura kif ukoll is-softwer huma
taħt il-kontroll sħiħ tal-Kummissjoni Ewropea u jikkonformaw
mal-leġiżlazzjoni attwali tal-UE dwar il-protezzjoni tad-data.
EUSurvey qed juża Europa Analytics għall-istatistika tat-traffiku u
l-analitika. Tista’ ssib aktar informazzjoni dwar l-Informazzjoni u
l-miżuri dwar il-Protezzjoni tad-Data, il-preferenza “do not
track” u informazzjoni oħra fuq is-sit web ta’
Europa Analytics
.
Il-Kummissjoni żżomm biss id-data personali tiegħek għaż-żmien
meħtieġ biex jintlaħaq l-għan tal-istħarriġ.
Sakemm inti membru tal-persunal tal-UE, il-kont tal-utent tiegħek
jibqa’ attiv u għalhekk tinżamm id-data personali tiegħek.
Madankollu, tista’, fi kwalunkwe ħin, titlob lit-tim ta’ EUSurvey itemm
il-kont tiegħek jekk ma tkunx tixtieq aktar tuża s-servizz. F’dan
il-każ, il-kont tal-utent tiegħek, id-data assoċjata kollha u
l-istħarriġ u r-riżultati kollha se jitħassru b’mod permanenti.
Bħala utent estern, tista’, fi kwalunkwe ħin, titlob lit-tim ta’ EUSurvey
itemm il-kont tiegħek jekk ma tkunx tixtieq aktar tuża s-servizz. Il-kont
korrispondenti, id-data assoċjata kollha u l-istħarriġ u
r-riżultati kollha se jitħassru b’mod permanenti.
Barra minn hekk, il-kontijiet mhux użati tal-utent estern jitħassru wara
perjodu ta’ inattività ta’ sentejn.
Id-data personali kollha tinżamm fis-servers taċ-Ċentru tad- Data tal-Kummissjoni Ewropea. L-operazzjonijiet ta’ pproċessar
kollha jitwettqu skont id-Deċiżjoni tal-Kummissjoni (UE, Euratom) 2017/46
tal-10 ta’ Jannar 2017 dwar is-sigurtà tas-sistemi ta’ komunikazzjoni u
informazzjoni fil-Kummissjoni Ewropea.
Sabiex tipproteġi d-data personali tiegħek, il-Kummissjoni daħħlet
fis-seħħ għadd ta’ miżuri tekniċi u organizzazzjonali. Il-miżuri tekniċi
jinkludu azzjonijiet xierqa biex jindirizzaw is-sigurtà online, ir-riskju
ta’ telf tad-data, it-tibdil tad-data jew l-aċċess mhux
awtorizzat, filwaqt li jitqies ir-riskju ppreżentat mill-ipproċessar u
min-natura tad-data personali li tkun qed tiġi pproċessata.
Il-miżuri organizzattivi jinkludu r-restrizzjoni tal-aċċess għad- data personali għall-persuni awtorizzati biss li jkollhom ħtieġa
leġittima ta’ tagħrif għall-finijiet tal-operazzjonijiet ta’ pproċessar.
Is-sigurtà tad-data personali tiegħek hija importanti għalina iżda
ftakar li l-ebda metodu ta’ trasmissjoni fuq l-Internet, jew metodu ta’
ħażna elettronika, mhu 100 % sigur. Filwaqt li nagħmlu ħilitna biex nużaw
mezzi biex nipproteġu d-data personali tiegħek, ma nistgħux
niggarantixxu s-sigurtà assoluta tagħha.
L-aċċess għad-data personali tiegħek jingħata lill-persunal
tal-Kummissjoni responsabbli mit-twettiq ta’ din l-operazzjoni ta’
pproċessar u lill-persunal awtorizzat skont il-prinċipju tal-“ħtieġa ta’
tagħrif”. Dawn il-membri tal-persunal jirrispettaw il-ftehimiet statutorji,
u meta jkun hemm bżonn, jirrispettaw ukoll ftehimiet addizzjonali
tal-kunfidenzjalità.
B’riżultat ta’ dan, il-persunal li jimmaniġġja l-applikazzjoni ta’ EUSurvey
għandu aċċess għad-data personali tiegħek.
Dan jinkludi:
• It-tim ta’ EUSurvey tal-Kummissjoni għal skopijiet ta’ appoġġ u
manutenzjoni tas-sistema.
• L-amministraturi tal-infrastruttura.
L-informazzjoni li niġbru ma tingħata lil ebda parti terza, ħlief jekk sa
ċertu punt u għal ċertu skop inkunu obbligati nagħmlu dan bil-liġi.
Il-Kummissjoni mhijiex se tikkondividi d-data personali ma’
partijiet terzi bl-iskop ta’ kummerċjalizzazzjoni diretta. Fi kliem ieħor,
il-Kummissjoni mhix se tuża d-data personali tiegħek biex
tikkuntattjak bi newsletters, kummerċjalizzazzjoni jew informazzjoni
promozzjonali. Madankollu, nistgħu nużaw l-indirizz tal-email tiegħek biex
nikkuntattjawk b’informazzjoni jew aġġornamenti dwar EUSurvey.
Għandek drittijiet speċifiċi bħala “suġġett tad-data” skont
il-Kapitolu III (l-Artikoli 14–25) tar-Regolament (UE) 2018/1725, b’mod
partikolari d-dritt tal-aċċess għad-data personali tiegħek, u,
biex tirrettifikaha, f’każ li d-data personali tiegħek ma tkunx
eżatta jew ma tkunx kompluta. Fejn applikabbli, għandek id-dritt li tħassar
id-data personali tiegħek, li tirrestrinġi l-ipproċessar tad- data personali tiegħek, li toġġezzjona għall-ipproċessar, u
d-dritt għall-portabbiltà tad-data.
Tista’ teżerċita d-drittijiet tiegħek billi tikkuntattja lill-Kontrollur
tad-data, jew f’każ ta’ kunflitt, lill-Uffiċjal tal-Protezzjoni
tad-Data.
Jekk jogħġbok innota li ismek, kunjomok u l-indirizz tal-email jittieħdu
minn EULogin u tista’ tiġi mmodifikata biss hemmhekk. EUSurvey hu aġġornat
awtomatikament skont id-data tal-EULogin. Mal-ewwel login, il-kont
tiegħek jinħoloq awtomatikament bl-użu tad-data estratta mill-bażi
tad-data tal-EULogin. Data personali oħra tista’ tiġi
modifikata mill-paġna
Settings ta’ EUSurvey
. Jekk mhux possibbli, jekk jogħġbok ikkuntattjana permezz tal-
formola ta’ kuntatt
.
Din id-Dikjarazzjoni tal-Privatezza se tibqa’ fis-seħħ ħlief fir-rigward
ta’ kwalunkwe bidla fid-dispożizzjonijiet tagħha fil-futur, li se tidħol
fis-seħħ immedjatament wara li tiġi ppubblikata fl-applikazzjoni EUSurvey u
aċċettata mill-utent. F’każ ta’ kwalunkwe bidla f’din id-Dikjarazzjoni ta’
Privatezza, aħna nnotifikawk bit-tqegħid ta’ messaġġ prominenti ta’
aċċettazzjoni dwar l-applikazzjoni EUSurvey immedjatament wara l-login. Se
tintalab taqra u taċċetta d-Dikjarazzjoni dwar il-Privatezza l-ġdida.
Jekk tixtieq teżerċita d-drittijiet tiegħek skont ir-Regolament (UE)
2018/1725, jew jekk għandek xi kummenti, mistoqsijiet jew xi tħassib, jew
jekk tixtieq tressaq ilment rigward il-ġbir u l-użu tad-data
personali tiegħek, inti liberu tikkuntattja lill-Kontrollur tad- Data billi tuża l-
formola ta’ kuntatt
.
Għandek il-possibbiltà li tikkuntattja lit-tim ta’ appoġġ ta’ EUSurvey,
billi tuża l-
formola ta’ kuntatt
, sabiex tħassar il-kont tiegħek b’mod permanenti f’każ li ma jkollokx
aktar bżonn tuża s-Servizz.
Fil-każ ta’ kwistjonijiet marbuta mal-ipproċessar tad-data
personali tiegħek skont ir-Regolament (UE) 2018/1725, tista’ tikkuntattja
wkoll lill-Uffiċjal tal-Protezzjoni tad-Data tal-Kummissjoni (DATA-PROTECTION-OFFICER@ec.europa.eu).
Għandek id-dritt tirrikorri (jiġifieri tista’ tressaq ilment) għand
il-Kontrollur Ewropew għall-Protezzjoni tad-Data (edps@edps.europa.eu) jekk
jidhirlek li d-drittijiet tiegħek skont ir-Regolament (UE) 2018/1725
inkisru minħabba l-ipproċessar tad-data personali mill-Kontrollur
tad-Data.
Il-kontrollur Ewropew għall-Protezzjoni tad-Data jaġixxi bħala
awtorità ta’ sorveljanza indipendenti. Il-KEPD jara li l-istituzzjonijiet u
l-korpi kollha tal-UE jirrispettaw il-kunfidenzjalità meta jipproċessaw id- data personali tal-individwi.
L-Uffiċjal tal-Protezzjoni tad-Data tal-Kummissjoni (UPD)
jippubblika r-reġistru tal-attivitajiet kollha ta’ pproċessar tad- data personali mill-Kummissjoni, li jkunu ġew dokumentati u
nnotifikati lilu. Tista’ taċċessa r-reġistru bil-link li ġej:
http://ec.europa.eu/dpo-register
.
Din l-attività ta’ pproċessar speċifika ddaħħlet fir-reġistru pubbliku
tal-UPD bir-Referenza tar-Reġistru li ġejja: DPR-EC-01488.1
[1]
EULogin huwa s-Servizz ta’ Awtentikazzjoni tal-Istituzzjonijiet
Ewropej ibbażat fuq it-teknoloġija SSO (Single-Sign On).
